Tacaíocht AE don turasóireacht — An gá atá le treoshuíomh straitéiseach nua agus cur chuige cistiúcháin níos fearr

Is é is aidhm don tuarascáil speisialta seo ó Chúirt Iniúchóirí na hEorpa ionchur a chur ar fáil d’obair an Choimisiúin maidir le straitéis chuimsitheach turasóireachta do 2030 a shainiú a mbeidh cuspóirí meántéarmacha agus fadtéarmacha aici. Maidir leis seo, tá turasóireacht inbhuanaithe ar cheann de na coincheapa is suntasaí i bhforbairt na turasóireachta. Is éard atá i gceist leis na gnéithe comhshaoil, eacnamaíocha agus soch-chultúrtha d’fhorbairt na turasóireachta a chothromú chun a ráthú go mbeidh an turasóireacht inbhuanaithe san fhadtéarma. Baineann sé sin freisin leis an gceist maidir le conas aghaidh a thabhairt ar éifeachtaí na turasóireachta ar an athrú aeráide agus conas déileáil le tionchair an athraithe aeráide ar earnáil na turasóireachta.