Gnólachtaí Eorpacha agus an t-athrú aeráide 2020/2021

D’fhéadfadh plean téarnaimh COVID-19 an Aontais Eorpaigh a bheith ina spreagadh do ghnólachtaí infheistíocht a dhéanamh i mbearta aeráide agus ullmhú don aistriú chuig geilleagar atá neodrach ó thaobh carbóin de. Féachtar sa tuarascáil seo ar an dearcadh atá ag gnólachtaí ar an dá dhúshlán sin agus ar a n-ullmhacht chun dul i ngleic leo. Is iad seo a leanas na príomhthorthaí:

• Tá gnólachtaí níos feasaí ar na rioscaí fisiciúla a bhaineann leis an athrú aeráide, ach níl siad chomh heolach céanna ar na rioscaí a bhaineann leis an aistriú chuig fuinneamh glan.
• Tá beagnach leath de na gnólachtaí AE a ndearnadh suirbhé orthu ag infheistiú i mbearta athraithe aeráide, i gcomparáid le thart ar aon trian de ghnólachtaí SAM.
• Tá éiginnteacht maidir le rialáil agus cánachas fós ag cur bac ar infheistíochtaí aeráide.

Chun a geilleagar a ghlasú, tá straitéis chuimsitheach de dhíth ar an Eoraip a thabharfaidh an treoir is gá do ghnólachtaí chun infheistíocht a dhéanamh in ullmhacht don aeráid agus san aistriú fuinnimh.