Foraoisí na hEorpa don bhithéagsúlacht, don mhaolú ar an athrú aeráide agus don oiriúnú don athrú sin

Cosúil le go leor éiceachóras sa lá atá inniu ann, tá foraoisí i mbaol ó shuaitheadh, ó thosca eacnamaíocha agus ó bhrúnna iomaíocha. Le blianta beaga anuas, mar thoradh ar an ngá práinneach atá ann aghaidh a thabhairt ar na géarchéimeanna idirghaolmhara a bhaineann le cailliúint na bithéagsúlachta agus leis an athrú aeráide, tá béim níos mó ar fhoraoisí a chosaint, a athbhunú agus a chruthú, agus tá feasacht phoiblí agus beartais mhéadaithe ann maidir leis na dúshláin atá roimh fhoraoisí. Tá gníomhaíocht á déanamh ag anEoraip maidir le foraoisí agus slabhraí soláthair adhmaid tríú tíortha (e.g. tríd an Rialachán Adhmaid, agus trí Phlean Gníomhaíochta FLEGT an Aontais), agus mar gheall ar an mbrú atá ar thuairimí an phobail, agus mar gheall ar an ngá atá le sláine i ngnóthaí intíre agus seachtracha, ní mór do na gníomhaíochtaí chun foraoisí a chaomhnú agus a athbhunú laistigh den Aontas Eorpach a bheith éifeachtach agus inchreidte. San Achoimre don Todhchaí seo, tugtar le chéile an fhianaise is déanaí maidir le cumas fhoraoisí na hEorpa tacú leis an mbithéagsúlacht agus carbón á bhaint agus á stóráil ón atmaisféar ag an am céanna, agus cuirtear ar fáil ag an am céanna na seirbhísí éiceachórais is gá don oiriúnú don athrú aeráide agus dár bhfolláine, agus cuirtear leis an mbithgheilleagar agus le laghdú ar úsáid breoslaí iontaise.