Foraoisí na hEorpa: Dul i ngleic leis an athrú aeráide

Meastar go rannchuidíonn foraoisí an Aontais agus an earnáil foraoisbhunaithe faoi láthair leis an maolú foriomlán ar an athrú aeráide trí thart ar 13 % d’astaíochtaí iomlána an Aontais a ionsú. Chun an leas is fearr is féidir a bhaint as acmhainneacht foraoisí an aeráid a rialú, ní mór iad a bhainistiú go gníomhach agus go gairmiúil ionas go mbeidh siad ‘oiriúnach don aeráid’.
Is é is aidhm do Bhainistiú Inbhuanaithe ar Fhoraoisí (SFM) bithmhais, adhmad, acmhainní neamhadhmaid agus feidhmeanna agus seirbhísí éiceachórais eile a sholáthar, ar féidir leo astaíochtaí gás ceaptha teasa a laghdú agus cur leis an oiriúnú. Foraoisí a bhainistítear ar bhealach inbhuanaithe agus a bhfuil fócas ilfheidhmeach acu sa lá atá inniu ann, coinneoidh siad a n-acmhainneacht chun a bhfeidhmeanna ábhartha éiceolaíocha, eacnamaíocha agus sóisialta a chomhlíonadh go maith amach anseo.

Cuirtear i láthair sa leabhrán seo cleachtais SFM (mar Chás-Staidéir i mBallstáit roghnaithe) a chuirtear chun feidhme i bhforaoisí stáit na hEorpa chun dul i ngleic le tionchair an athraithe aeráide, agus é mar aidhm leis a léiriú go bhfuil eagraíochtaí foraoise stáit na hEorpa ar an eolas faoi na dúshláin a bhaineann leis an athrú aeráide agus go bhfuil gníomhaíochtaí praiticiúla éagsúla déanta acu cheana féin chun aghaidh a thabhairt orthu. Cuirfidh an leabhrán seo feabhas ar an tuiscint ar an gcaoi ar féidir le foraoisí na hEorpa cuidiú le cuspóirí uaillmhianacha an Chomhaontaithe Ghlais don Eoraip a bhaint amach agus an Eoraip a dhéanamh neodrach ó thaobh na haeráide de agus oiriúnach don todhchaí. I bhfianaise scála méadaitheach thionchar an athraithe aeráide ar fhoraoisí, ní mór do na Ballstáit agus don Aontas araon machnamh a dhéanamh go práinneach ar thacaíocht phoiblí ábhartha a shlógadh chun cabhrú le SFMOanna ina n-iarrachtaí. Ní mór é sin a dhéanamh laistigh de chreat an Chomhaontaithe Ghlais agus, níos cruinne, trí Straitéis Foraoise nua an Aontais.

Tá achoimre feidhmiúcháin ar fáil anseo freisin.