Meastóireacht a dhéanamh ar Thionchar Réitigh Nádúrbhunaithe

Is é is aidhm don Lámhleabhar seo creat cuimsitheach measúnaithe tionchair NBS a chur ar fáil do chinnteoirí, mar aon le tacar láidir táscairí agus modheolaíochtaí chun measúnú a dhéanamh ar thionchair réiteach dúlrabhunaithe ar fud 12 réimse dúshláin shochaíocha: Athléimneacht in aghaidh an athraithe aeráide; Bainistiú Uisce; Guaiseacha Nádúrtha agus Aeráide; Bainistiú an Spáis Ghlais; Bithéagsúlacht; Cáilíocht an Aeir; Athghiniúint Áite; Eolas agus Fothú Acmhainneachta Sóisialta le haghaidh Claochlú Uirbeach Inbhuanaithe; Pleanáil agus Rialachas Rannpháirteach; Ceartas Sóisialta agus Comhtháthú Sóisialta; Sláinte agus Folláine; Deiseanna nua eacnamaíocha agus poist ghlasa. Tá an lámhleabhar deartha le bheith ábhartha do NBS a chuirtear i bhfeidhm thar limistéar geografach leathan agus ar an iliomad scálaí.

D’fhorbairionadaithe ó 17 dtionscadal NBS aonair arna gcistiú ag an Aontas táscairí i gcomhar le hinstitiúidí comhoibritheacha amhail EEA agus JRC, mar chuid den Tascfhórsa Eorpach um Measúnú Tionchair ar NBS, agus ceithre chuspóir acu: fónamh mar thagairt do bheartais agus do ghníomhaíochtaí ábhartha de chuid an Aontais; cleachtóirí uirbeacha a dhíriú ar chreataí láidre meastóireachta tionchair a fhorbairt le haghaidh réitigh dhúlrabhunaithe ar scálaí éagsúla; cur leis an obair cheannródaíoch atá á déanamh ag creat EKLIPSE trí shraith chuimsitheach táscairí agus modheolaíochtaí a chur ar fáil; agus an bonn fianaise Eorpach a thógáil maidir le tionchair NBS. Léiríonn siad an úrscothacht sa taighde eolaíoch reatha maidir le tionchair na réiteach dúlrabhunaithe agus modhanna measúnaithe bailí agus caighdeánaithe, chomh maith leis an staid mar atá i gcur chun feidhme uirbeach na gcreataí meastóireachta. Tá faisnéis mhionsonraithe bhreise faoi na táscairí le fáil in Aguisín Modhanna an lámhleabhair.