Tuarascáil Mheastóireachta ar Phlean Náisiúnta na Spáinne um Oiriúnú don Athrú Aeráide - Achoimre Feidhmiúcháin

Is é Plean Náisiúnta na Spáinne um Oiriúnú don Athrú Aeráide (PNACC), ó 2006 i leith, an creat tagartha d’iarrachtaí poiblí chun eolas a ghiniúint agus freagairtí oiriúnaitheacha ar an athrú aeráide a fhorbairt sa Spáinn. In 2018, chuir an Aireacht um an Aistriú Éiceolaíoch tús le meastóireacht dhomhain ar PNACC chun measúnú a dhéanamh ar an dul chun cinn a baineadh amach, ar na dúshláin atá ar feitheamh agus ar na ceachtanna a foghlaimíodh. Rinneadh an próiseas meastóireachta sin faoi chuimsiú thionscadal LIFE SHARA dar teideal Sharering Awareness and Governance of Adaptation to Climate Change [Feasacht agus Rialachas an Oiriúnaithe don Athrú Aeráide a Chomhroinnt], arb é is aidhm dó comhoibriú chun sochaí a thógáil a bheidh níos oiriúnaí don athrú aeráide, comhoibriú leis na gníomhaithe uile lena mbaineann, eolas a ghiniúint agus feasacht shóisialta a mhéadú. Déantar 38 moladh sa tuarascáil mheastóireachta a bheidh mar threoir d’ullmhúchán an Phlean Náisiúnta nua um Oiriúnú 2021-2030 don athrú aeráide, ag comhoibriú leis na gníomhaithe uile lena mbaineann, ag giniúint eolais agus ag méadú na feasachta sóisialta. 

Chun tuilleadh eolais a fháil, féach an achoimre feidhmiúcháin (i mBéarla) agus an tuarascáil mheastóireachta iomlán (i Spáinnis).