Deiseanna Airgeadais do Réitigh Athrú Aeráide i gCathracha

Ní féidir le cathracha freagairtí ar an athrú aeráide a mhaoiniú ar fhoinsí cistiúcháin poiblí amháin. Tá gá le foinsí iomadúla cistiúcháin chun an maoiniú mór bonneagair atá riachtanach d’fhorbairt ísealcharbóin agus do bhainistiú riosca aeráide i gcathracha a chur ar fáil. I bhfianaise na ndúshlán sin, is léir go mbeidh sásraí cistiúcháin phoiblí go hiomlán neamhleor — fiú le ranníocaíochtaí treisithe leis an gCiste Glas don Aeráid. Dá bhrí sin, ní mór do chathracha leas a bhaint as raon iomlán deiseanna chun airgead a bhailiú le haghaidh gníomhú ar son na haeráide. Léirítear sa pháipéar cúlra seo conas a d’fhéadfadh rialtais bhardasacha maoiniú don troid i gcoinne an athraithe aeráide a thiomsú ó fhoinsí éagsúla airgeadais phoiblí agus phríobháidigh, agus tugtar samplaí dea-chleachtais ann maidir leis an gcaoi a bhféadfaí é sin a infheistiú i gcláir agus i dtionscadail.