Tuilte i Réigiún Eorpach EDS: éifeachtaí sláinte agus a gcosc

In 2009–2011, thug Oifig Réigiúnach EDS don Eoraip agus Gníomhaireacht na Ríochta Aontaithe um Chosaint Sláinte faoi thionscadal chun imscrúdú a dhéanamh ar éifeachtaí díobhálacha tuilte ar an tsláinte agus chun tuiscint a fháil ar an mbealach is fearr chun sláinte na ndaonraí a chosaint le linn tuilte i Réigiún Eorpach EDS. Bhí dhá phríomh-chomhpháirt ag an tionscadal. Seoladh ceistneoir chuig 50 de 53 Bhallstát Réigiún Eorpach EDS chun faisnéis a bhailiú maidir leis an taithí a fuarthas le déanaí ar thuilte, a n-éifeachtaí sláinte agus na sásraí ullmhachta agus freagartha atá ann faoi láthair. Ina theannta sin, rinneadh athbhreithniú córasach ar an litríocht eipidéimeolaíoch maidir le tionchar domhanda na dtuilte ar an tsláinte. Le hanailís ar na ceistneoirí a cuireadh ar ais agus ar an litríocht a ndearnadh athbhreithniú piaraí uirthi, tugadh chun solais go leor saincheisteanna a bhaineann leis an Eoraip. Cuideoidh na torthaí sin leis an Eagraíocht Dhomhanda Sláinte treoir fhianaise-bhunaithe a ullmhú do Réigiún na hEorpa maidir le hábhair imní sláinte roimh theagmhais tuilte, lena linn agus ina ndiaidh agus na bearta maidir le cosc, freagairt agus téarnamh.