Dóiteáin Foraoise sna hAlpa 2020: Staid an eolais, dúshláin amach anseo agus roghanna maidir le bainistiú comhtháite dóiteáin: Páipéar Bán do lucht ceaptha beartas

Tá fianaise shoiléir ann go bhfuil athrú ar an gcóras dóiteáin de dheasca na haeráide sa Leathsféar Thuaidh agus go bhfuil an baol dóiteáin ag méadú i dtíortha neamhthraidisiúnta ina mbíonn baol dóiteáin. Tá na hAlpa Eorpacha ar cheann de na réigiúin sin. Is saincheist atá ag teacht chun cinn iad falscaithe a bhféadfadh damáistí arda i bhforaoisí cosanta a bheith mar thoradh orthu, a mhéadaíonn guaiseacha nádúrtha agus a mbíonn bagairtí ar dhaoine mar thoradh orthu agus a chosnaíonn suas leis na milliúin euro ar bhearta sochta dóiteáin agus athchóirithe. Is léir ó na samhraí an-tirim agus an-te a bhí ann le déanaí i gcodanna éagsúla de spás na nAlp, e.g. 2013, 2015, 2017 agus 2018, gur gá a bheith níos ullmhaithe chun aghaidh a thabhairt ar chóras dóiteáin atá ag athrú le tinte níos déine agus níos minice.

Is féidir achoimre a dhéanamh ar thionchair dhiúltacha na ndóiteán foraoise sna hAlpa mar seo a leanas:

• Laghdú ar fheidhm chosanta na bhforaoisí sléibhe
• Leochaileacht mhéadaithe i leith guaiseacha nádúrtha
• Caillteanas acmhainní nádúrtha agus laghdú ar tháirgiúlacht trí chreimeadh ithreach méadaithe
• Costais arda maidir le comhrac dóiteáin agus bainistiú iardhóiteán
• Contúirt mhéadaithe do dhaoine agus don bhonneagar ag an gcomhéadan idir an talamh fiáin agus an ceantar uirbeach (WUI)
• Truailliú aeir agus scaoileadh carbóin méadaithe

Moltar sa pháipéar bán seo roinnt moltaí agus gníomhaíochtaí beartaithe chun dul i ngleic leis an gcóras dóiteáin atá ag athrú i réigiún na nAlp arb é is aidhm dóibh:

• Bearta coisctheacha gearrthéarmacha agus fadtéarmacha a cheapadh agus a chur chun feidhme
• Bearta sochta a oiriúnú do choinníollacha sonracha an réigiúin Alpaigh
• Feabhas a chur ar an tuiscint agus ar na bearta maidir le bainistiú iardhóiteán
• Tacú le haistriú eolais agus malartú taithí

Meastar gurb ionann na costais iomlána do na bearta comhtháite atá beartaithe maidir le bainistiú dóiteán foraoise agus thart ar EUR 10 milliún in aghaidh na bliana.