Treoirlínte maidir leis an bhforaoiseacht níos gaire don dúlra

Faoin gComhaontú Glas don Eoraip, leagtar amach conair do théarnamh bhithéagsúlacht na hEorpa, lena n-áirítear bithéagsúlacht foraoise na hEorpa, i straitéis bhithéagsúlachta an Aontais do 2030. Leagtar béim sa straitéis bhithéagsúlachta do 2030 ar a thábhachtaí atá sé foraoisí a bhainistiú ar bhealach inbhuanaithe mar réiteach dúlrabhunaithe sa chomhrac i gcoinne an athraithe aeráide, agus iarrtar inti go leanfaí de chleachtais foraoiseachta atá neamhdhíobhálach don bhithéagsúlacht agus go ndéanfaí iad afhorbairt tuilleadh.

Chuige sin, iarrann sí ar an gCoimisiún treoirlínte a fhorbairt maidir leis an bhforaoiseacht níos gaire don dúlra. Léirítear an gealltanas sin i straitéis foraoise an Aontais do 2030 agus sainmhínítear an fhoraoiseacht níos gaire don dúlra mar shraith cleachtas chun foraoisí ilfheidhmeacha a áirithiú trí spriocanna bithéagsúlachta, caomhnú stoic carbóin agus ioncaim a bhaineann le hadhmad a chomhcheangal.

Is é is aidhm do na treoirlínte sin bainistíocht foraoisí atá neamhdhíobhálach don bhithéagsúlacht agus oiriúnaitheach a chur chun cinn mar chuid de chreat coiteann le haghaidh na foraoiseachta níos gaire don dúlra. Cuireann siad cleachtais ábhartha i láthair agus taispeánann siad tairbhí na gcleachtas sin don ilfheidhmiúlacht foraoise agus don athléimneacht in aghaidh an athraithe aeráide gan faillí a dhéanamh i dtairbhí socheacnamaíocha. Cuideoidh na treoirlínte le húdaráis inniúla agus le príomhpháirtithe leasmhara cleachtais atá neamhdhíobhálach don bhithéagsúlacht agus oiriúnaitheach a fhorbairt agus a chur chun cinn i mbainistíocht foraoisí ar fud scálaí éagsúla, agus dúshláin agus deiseanna á bplé.