Faireachán a dhéanamh ar thionchair na talmhaíochta uirbí agus peirea-uirbí agus na foraoiseachta ar oiriúnú don athrú aeráide agus ar mhaolú an athraithe aeráide

Tugtar forléargas ginearálta ar na tionchair a d’fhéadfadh a bheith ag cineálacha agus bearta éagsúla talmhaíochta agus foraoiseachta uirbí agus peirea-uirbí (UPAF) ar mhaolú, oiriúnú agus (comh)fhorbairt. I gcás ina bhfuil sé ar fáil, tugtar cainníochtú éigin ar na tairbhí féideartha. Áirítear ar chatagóirí tionchair UPAF – mar a thuairiscítear thuas – maolú ar an athrú aeráide, oiriúnú don athrú aeráide agus tairbhí comhfhorbartha (táirgeadh bia, giniúint ioncaim, bainistiú inbhuanaithe acmhainní etcetera). Áirítear an méid seo a leanas ar na táscairí a fhéadfar a úsáid chun tuilleadh anailíse a dhéanamh ar na catagóirí éagsúla sin:
Maolú: úsáid fuinnimh (iontaise); stóráil carbóin, ceapadh carbóin, astaíochtaí GCT (CO2, CH4, N2O, HCFC), bia-mhílte, éifeacht teasoileáin, úsáid leasachán (ceimiceach), toirteanna líonta talún agus giniúint dramhaíola per capita
Oiriúnú: éagsúlú foinsí bia agus ioncaim, an méid bia a tháirgtear go háitiúil i gcomparáid le bia allmhairithe, infhaighteacht bia agus praghsanna bia, an méid spásanna glasa, acmhainneacht stórála/insíothlaithe uisce, rith chun srutha uisce stoirme, frithsheasmhacht in aghaidh triomaigh, teagmhais tuilte/creimeadh/tailte sléibhe, bithéagsúlacht, iomaíocht le haghaidh uisce/úsáid foinsí malartacha uisce.