Rialachas Aeráide Il-Leibhéal a Thacaíonn le Gníomhaíocht Áitiúil

Scrúdaítear sa staidéar conas is féidir le hionstraimí éagsúla le haghaidh rialachas aeráide il-leibhéil tacú le hacmhainneachtaí áitiúla maidir le maolú ar an athrú aeráide agus oiriúnú don athrú sin a bhaint amach.

D’fhéadfadh baint a bheith ag rialachas aeráide il-leibhéil le dílárú údaráis (e.g. i gcás ina bhfuil difríochtaí suntasacha i dtosaíochtaí áitiúla maidir le bearta maolaithe agus oiriúnaithe), nó le hathlárú údaráis (e.g. i gcás ina bhfuil barainneachtaí scála ann). D’fhéadfadh sé tarlú freisin i gcomhthéacsanna an-difriúil — stáit ina bhfuil uathriail shuntasach ag údaráis bhardasacha, chomh maith le stáit ina bhfuil neamhspleáchas áitiúil níos teoranta. Ní chuirfidh aon ionstraim aonair feabhas uilíoch ar chumas na rialtas áitiúil bearta maolaithe nó oiriúnaithe aeráide a chur chun feidhme. Dá bhrí sin, pléitear sa staidéar seo samplaí d’ionstraimí agus creataí rialachais aeráide il-leibhéil lena léirítear raon comhthéacsanna polaitiúla éagsúla.

Cuirtear an staidéar i gcomhthéacs domhanda, agus áirítear ann samplaí rialachais áitiúla maidir le gníomhú ar son na haeráide laistigh den Eoraip. Pléann sí an méid seo a leanas:

• Gnéithe den rialachas aeráide il-leibhéil,
• Ionstraimí le haghaidh rialachas aeráide il-leibhéil, agus
• Creataí náisiúnta le haghaidh rialachas aeráide il-leibhéil.

Cuirtear moltaí ar fáil ann chun feabhas a chur ar ghníomhú áitiúil ar son na haeráide trí chineálacha cur chuige il-leibhéil maidir le rialachas aeráide a úsáid maidir le faisnéis agus eolas, airgeadas, comhordú agus comhar, agus acmhainneachtaí institiúideacha.