Forbhreathnú ar rioscaí tubaiste nádúrtha agus rioscaí tubaiste de dhéantús an duine a d’fhéadfadh a bheith i ndán don Aontas Eorpach

Is é an doiciméad inmheánach oibre seo de chuid an Choimisiúin an dara heagrán d’fhorbhreathnú ar na rioscaí tubaiste nádúrtha agus de dhéantús an duine a d’fhéadfadh a bheith roimh an Aontas, arna ullmhú faoi reachtaíocht an Aontais maidir le cosaint shibhialta. Is é is aidhm don fhorbhreathnú na treochtaí i dtimpeallacht athraitheach an riosca tubaiste a ghabháil, plé a dhéanamh ar na príomhchúiseanna atá á múnlú, breathnú níos géire ar 12 riosca tubaiste roghnaithe a bhfuil ábharthacht ar leith ag baint leo don Eoraip agus bonn eolais a chur faoi chinntí maidir le bainistiú riosca chun básanna agus damáistí a chosc. 

Ceann de na foinsí tábhachtacha a cuireadh san áireamh san fhorbhreathnú is ea na measúnuithe riosca tubaiste náisiúnta a sheol Ballstáit an Aontais agus na stáit rannpháirteacha chuig an gCoimisiún le linn thimthriall tuairiscithe 2018. Chomh maith le faisnéis ó údaráis náisiúnta, baintear leas san fhorbhreathnú as an bhfianaise is déanaí atá ar fáil ó bheartas trasearnála, obair oibríochtúil agus eolaíoch an Choimisiúin maidir le riosca tubaistí.