An Tacsanomaíocht Chomhshaoil Shínte: Tuarascáil Chríochnaitheach maidir le roghanna chun síneadh a chur leis an Tacsanomaíocht a thacaíonn le haistriú inbhuanaithe

Freagraíonn an tuarascáil seo d’iarraidh an Choimisiúin ar chomhairle ón Ardán maidir le síntí féideartha ar Thacsanomaíocht an Aontais maidir le maoiniú glas agus inbhuanaithe. Is é is cuspóir don tuarascáil seo an Coimisiún, margaí caipitil, cuideachtaí agus gníomhaithe eacnamaíocha agus páirtithe leasmhara eile a chur ar an eolas faoi na bealaí inar féidir le Tacsanomaíocht chomhshaoil leathnaithe a bheith ina Tacsanomaíocht chun geilleagar iomlán na hEorpa a aistriú. Nuair a léitear an tuarascáil seo in éineacht leis an tuarascáil ón Ardán maidir le Tacsanomaíocht Shóisialta a bheidh ann amach anseo, tugtar léargas níos iomláine sa tuarascáil seo ar an gcaoi ar féidir leis an Tacsanomaíocht forbairt agus ar cheart di forbairt go luath amach anseo chun maoiniú na n-aistrithe is práinní is gá a chur in iúl agus chun tacú leis an maoiniú sin.