Moltaí maidir le Measúnú Riosca Náisiúnta le haghaidh Bainistiú Riosca Tubaistí san Aontas Eorpach

Is é is aidhm don tsraith tuarascálacha seo tacaíocht eolaíoch a chur ar fáil do thíortha rannpháirteacha an tSásra Aontais um Chosaint Shibhialta (UCPM) agus Measúnuithe Riosca Náisiúnta (NRA) á bhforbairt acu agus gníomhaíochtaí bainistithe riosca tubaistí (DRM) á dtuairisciú acu don Choimisiún Eorpach.

Dhírigh Leagan 0 den tsraith seo go príomha ar conas measúnú riosca náisiúnta a dhéanamh ó thaobh na heolaíochta de chun dóthain fianaise a sholáthar do bhainisteoirí riosca chun tuiscint níos fearr a fháil agus, dá bhrí sin, chun riosca a bhainistiú.

I Leagan 1, dírítear ar rialachas riosca iomchuí a bhunú lena n-éascaítear cur chun feidhme beart leordhóthanach feadh an timthrialla bainistithe riosca (i.e. ó oiriúnú agus maolú go céimeanna freagartha agus téarnaimh). Meastar gurb é measúnú riosca croílár an timthrialla sin ós rud é gur cheart dó an bonn a sholáthar do phleanáil DRM agus do chur chun feidhme beart coisc agus ullmhachta. Dírítear go speisialta ar an gcumas is gá chun dul i ngleic leis an athrú aeráide.

Is de thionscnamh nádúrtha, antrapaigineach agus soch-nádúrtha iad na rioscaí a chumhdaítear: tuilte, triomaigh, falscaithe, cailliúint na bithéagsúlachta, creathanna talún, brúchtaí bolcáin, tubaistí bitheolaíocha, timpistí Natech, timpistí ceimiceacha, timpistí núicléacha, ionsaithe sceimhlitheoireachta, cur isteach ar bhonneagar criticiúil, cibearshlándáil agus bagairtí hibrideacha.