Athbhreithniú ar thodhchaí na talmhaíochta agus ar shábháilteacht agus sláinte cheirde (OSH): Fadbhreathnaitheacht maidir le rioscaí nua agus rioscaí atá ag teacht chun cinn in OSH

Déantar athbhreithniú sa tuarascáil seo ar threochtaí sa talmhaíocht agus san fhoraoiseacht amach anseo, amhail teicneolaíochtaí nua agus an t-athrú aeráide, sainaithnítear inti na hathruithe teicneolaíochta agus eagraíochtúla a eascraíonn as sin san earnáil agus sainítear inti na himpleachtaí do OSH i measc feirmeoirí, foraoiseoirí agus oibrithe eile. Breathnaíonn an tuarascáil ar roinnt rioscaí féideartha atá ag teacht chun cinn, go háirithe iad siúd is mó atá ar tí tarlú, eadhon iad siúd a bhaineann le héabhlóid dhigiteach san earnáil agus mar thoradh ar athrú aeráide.

Is é is aidhm don athbhreithniú tacú le lucht déanta beartas ar an leibhéal Eorpach agus ar an leibhéal náisiúnta straitéisí, rialacháin agus bearta forfheidhmithe, treorach agus tacaíochta a fhorbairt. Scrúdaíonn an tuarascáil roinnt saincheisteanna a théann i bhfeidhm ar thodhchaí na feirmeoireachta agus na foraoiseachta: feirmeoireacht chliste (feirmeoireacht bheacht, digitiú, etc.) agus forbairtí teicneolaíochta eile; an t-athrú aeráide agus saincheisteanna comhshaoil; treochtaí sochaí agus tomhaltóirí; an margadh saothair agus saincheisteanna eagraíochtúla; agus cúrsaí trádála agus eacnamaíocha idirnáisiúnta.

Choimisiúnaigh an Ghníomhaireacht Eorpach um Shábháilteacht agus Sláinte ag an Obair (EU-OSHA) an tuarascáil seo agus é mar chuspóir aici, ar an gcéad dul síos, scrúdú a dhéanamh ar fhorbairtí amach anseo in earnáil na talmhaíochta agus, ar an dara dul síos, impleachtaí na dtreochtaí sin do shábháilteacht agus sláinte cheirde (OSH) a mheas.