An Eolaíocht um Bainistíocht Riosca Tubaistí 2020: Gníomhú inniu, an lá amárach a chosaint

D’ullmhaigh Lárionad Eolais an Choimisiúin Eorpaigh um Bainistiú Riosca Tubaistí (DRMKC) an foilseachán seo, an dara ceann dá shraith, i gcomhar le níos mó ná 300 saineolaí ar bhainistiú riosca tubaistí (DRM).

Pléannan tuarascáil le guaiseacha de chineálacha éagsúla, ag cur béime ar na naisc iomadúla atá ann idir guaiseacha agus leochaileachtaí chun tacú le gníomhaíocht láidir agus éifeachtach. Tugtar forléargas sa tuarascáil ar na hiarmhairtí a bhíonn ag tubaistí ar phríomhshócmhainní na sochaí (daonra, earnálacha eacnamaíocha, bonneagair chriticiúla, an comhshaol agus an oidhreacht chultúrtha). Cuidíonnstaidéar a dhéanamh ar na tionchair le riosca a bhainistiú tar éis tubaiste, leis an bhfreagairt a threorú agus leis an téarnamh a éascú, agus le bearta a ullmhú chun imeachtaí amach anseo a chosc, a mhaolú agus chun ullmhú dóibh, trí thacú le tuar riosca agus trí bhearta a phleanáil chun riosca a bhainistiú.

Cuireann na caibidlí agus na fochaibidlí éagsúla moltaí sonracha ar fáil freisin don spriocphobal, ceithre ghrúpa páirtithe leasmhara ar féidir leo rannchuidiú go gníomhach le riosca tubaiste a laghdú: lucht ceaptha beartas, cleachtóirí (amhail grúpaí cosanta sibhialta, oibreoirí bonneagair chriticiúil agus grúpaí sibhialta eagraithe atá rannpháirteach go díreach i bhfreagairt ar thubaistí), eolaithe agus saoránaigh.

Chun bogadh ó fhadhbanna a aithint go dtí réitigh agus cur chuige a chur i láthair, déanann an tuarascáil cur síos ar roinnt samplaí agus cásanna, ag taispeáint an méid a d’fhoghlaim an pobal DRM ó imeachtaí tubaisteacha agus ag cur in iúl cá bhfuil na bearnaí inár n-eolas.