Staid an Chomhshaoil agus na Forbartha sa Mheánmhuir

Staid an Chomhshaoil agus na Forbartha sa Mheánmhuir (SOED), is tuarascáil mheasúnaithe í atá bunaithe ar fhianaise agus atá dírithe ar ghníomhaíocht agus a bhfuil raon feidhme sistéamach aici. Breithnítear réimse leathan saincheisteanna inbhuanaitheachta agus na hidirnaisc a bhaineann leis an gcomhshaol agus leis an bhforbairt i réigiún na Meánmhara. Aithnítear an t-athrú aeráide mar cheann de na bagairtí móra ar chomhshaol na Meánmhara a éilíonn gníomhaíochtaí uaillmhianacha maolaithe agus oiriúnaithe.

Cuireadh an tuarascáil le chéile i gcomhar leathan faoi stiúir Plan Bleu, faoi chuimsiú Chlár Comhshaoil na Náisiún Aontaithe/Phlean Gníomhaíochta na Meánmhara (UNEP/MAP). Tá dhá dhoiciméad achoimre ag gabháil leis an tuarascáil. San Achoimre le haghaidh Cinnteoirí tugtar forléargas ar na hábhair a chumhdaítear sa tuarascáil, agus san achoimre ar na Príomhtheachtaireachtaí cuirtear le suntasacht na dtorthaí, agus cuirtear moltaí neamh-shaintreoracha atá ábhartha ó thaobh beartais de ar fáil maidir le gníomhaíocht ar an leibhéal áitiúil, ar an leibhéal náisiúnta agus ar an leibhéal réigiúnach.