Bonneagar Glas Straitéiseach agus Athchóiriú Éiceachóras

D’ullmhaigh an tAirmheán Comhpháirteach Taighde, an Ghníomhaireacht Eorpach Chomhshaoil, an Lárionad Téamach Eorpach maidir le Córais Uirbeacha, Talún agus Ithreach, agus Ard-Stiúrthóireacht an Chomhshaoil an tuarascáil seo maidir leis an Eolaíocht don Bheartas. Foilsíodh sa bhliain 2019 é. Is é is aidhm dó treoir mhodheolaíoch a chur ar fáil chun bonneagar glas dea-nasctha, ilfheidhmeach agus trasteorann a dhearadh go straitéiseach chun tacú le cinnteoireacht agus beartas straitéiseach. Cuirtear cineálacha cur chuige mapála fisiceacha agus bunaithe ar éiceachórais agus cásstaidéir dea-chleachtais faoi seach i láthair chomh maith le bearnaí eolais, bacainní agus fadhbanna maidir le bailiú sonraí agus modheolaíochtaí.

Cuireann na cás-staidéir uile atá sa tuarascáil faisnéis ar fáil maidir leis na huirlisí atá ar fáil chun bonneagar glas a mhapáil go fisiciúil chomh maith le cuir chuige mhapála atá bunaithe ar sheirbhísí éiceachórais. Baineann trí cinn de na cás-staidéir a chuirtear i láthair go díreach le hoiriúnú don athrú aeráide:

• Líonrafaoi chosaint a oireann don oiriúnú don athrú aeráide: an gá atá le líonra dinimiciúil a bheidh athléimneach in aghaidh athrú le haghaidh bonneagar glas agus cá háit ar cheart bearta caomhnaithe a chur in ord tosaíochta. Leis an gcás-staidéar seo, déantar imscrúdú ar oiriúnacht láithreáin Natura 2000 le haghaidh aitil na Spáinne (Juniperus thurifera)chun oiriúnú don athrú aeráide, e.g. cé acu atá nó nach bhfuil an líonra nasctha go leor agus cé acu is gá nó nach gá an nascacht a fheabhsú nó suíomhanna nua a chruthú.
• Sraoilleáil uirbeach agus caillteanas bonneagair ghlais ina dhiaidh sin bunaithe ar chásanna beartais maidir le húsáid talún agus athrú aeráide do na blianta amach romhainn. Déanann an cás-staidéar seo measúnú ar chásanna beartais úsáide talún agus athraithe aeráide maidir lena n-acmhainneacht sraoilleáil uirbeach a theorannú. Ionsamhlaítear cásanna bonnlíne chomh maith le roghanna malartacha beartais hipitéiseacha.
• Bonneagar glas le haghaidh díonadh ar an athrú aeráide, cás Donostian-San Sebastian, an Spáinn. Sa chás-staidéar seo aithníodh réimsí ardtosaíochta le haghaidh gníomhaíochta maidir le tuilte agus strus teasa i gcathair Donostia-San Sebastian. Ós rud é gur mian leis an gcathair bearta a chur chun feidhme chun gníomhú in aghaidh éifeachtaí an athraithe aeráide (e.g. méadú ar líon na stoirmeacha tromchúiseacha, tuilte abhann, tonnta teasa), ba cheart na torthaí a bheith ina bhfaisnéis ionchuir do phlean na cathrach maidir le hoiriúnú don athrú aeráide.