Táscairí bithéagsúlachta na hEorpa 2020 a chuíchóiriú

Cuireadh tús le próiseas Chuíchóiriú Táscairí Bithéagsúlachta na hEorpa (SEBI) in 2005 chun sraith chuíchóirithe táscairí bithéagsúlachta a chur ar fáil don Eoraip. Soláthraíonn an tuarascáil seo droichead chuig timthriall nua SEBI a bhfuil na beartais seo a leanas mar bhonn taca leis: an Plean Straitéiseach don Bhithéagsúlacht 2011-2020 mar aon le spriocanna Aichi 2020 ar an leibhéal domhanda, Straitéis Bhithéagsúlachta 2020 an AE agus an Straitéis Bhithéagsúlachta Uile-Eorpach 2020.

Tá sraith chomhleanúnach táscairí comhdhlúite ag SEBI chun dul chun cinn agus tuairisciú ar spriocanna bithéagsúlachta nua domhanda agus AE a thomhas. Is féidir gach táscaire SEBI a úsáid chun dul chun cinn a thomhas i gcoinne na sé Sprioc nua de chuid an Aontais agus na 20 Sprioc Aichi. Sainaithníodh freisin bearnaí nach mór do shaineolaithe téamacha iad a mheas a thuilleadh. Leagtar béim sa tuarascáil ar a thábhachtaí atá SEBI chun treoir a thabhairt dóibh siúd a bhfuil baint acu le treochtaí bithéagsúlachta a thomhas agus a rianú, lena n-áirítear iad siúd a dhéanann staidéar ar thionchair an athraithe aeráide ar an mbithéagsúlacht.