Staidéar a thacaíonn le measúnú ar mhisin an Aontais agus leis an athbhreithniú ar réimsí misin

Leagtar amach sa tuarascáilseo an creat modheolaíochta chun measúnú a dhéanamh ar na cúig mhisean de chuid an Aontais agus chun athbhreithniú a dhéanamh ar na réimsí misin. Sonraítear ann na modhanna a úsáidtear chun bonn fianaise láidir a fhorbairt (lena n-áirítear taighde deisce, anailís sonraí agus athbhreithniú litríochta), tuairiscíonn sé ar thorthaí an chomhairliúcháin leis na páirtithe leasmhara agus soláthraíonn sé léargais thrasearnálacha ón measúnú misin agus ó thuarascálacha athbhreithnithe ar réimsí misin. Áiríodh sa chomhairliúchán le páirtithe leasmhara suirbhé ar fud an Aontais (342 fhreagra ar fud na gcúig mhisean), 76 agallamh agus cúig cheardlann le páirtithe leasmhara (118 rannpháirtí). Agus iad nasctha leis an mbonn fianaise, chuir torthaí an chomhairliúcháin bonn fónta ar fáil chun teacht ar chonclúidí maidir le dul chun cinn na misean. Cumhdaíodh sa mheasúnú ar Mhisin an Aontais an próiseas roghnúcháin, na struchtúir rialachais agus na socruithe bainistíochta, punann na n-ionstraimí beartais, an cistiú a giaráladh agus an dul chun cinn i dtreo spriocanna na misean a bhaint amach. Leagtar béim sa mheasúnú ar an dul chun cinn suntasach atá déanta maidir le rialachas il-leibhéil a chur chun feidhme, cistiú a shlógadh agus teagmháil a dhéanamh le páirtithe leasmhara (an earnáil phoiblí, gnólachtaí, eagraíochtaí taighde agus teicneolaíochta, etc.) agus, ar bhonn níos lú, le saoránaigh. Athdhearbhaítear san athbhreithniú ar na réimsí misin ábharthacht na ndúshlán sochaíoch agus cineál idirnasctha na misean roghnaithe, rud a éilíonn sineirgí oibríochtúla feabhsaithe. Tugtar cúig phríomhrogha beartais chun críche sa tuarascáil maidir le misin an Aontais a fhorbairt amach anseo.