Creat Gníomhaíochta Hyogo iar-2015: Rioscaí a bhainistiú chun athléimneacht a bhaint amach

Is é is cuspóir don Teachtaireacht seo tuairimí tosaigh an Choimisiúin a leagan amach maidir le Creat Gníomhaíochta Hyogo iar-2015 a mhúnlú, ag tógáil ar an méid a baineadh amach le réimse beartas de chuid an Aontais lena n-áirítear cosaint shibhialta, cosaint an chomhshaoil, slándáil inmheánach, oiriúnú don athrú aeráide, sláinte, taighde agus nuálaíocht, chomh maith leis an gclár oibre athléimneachta a chuirtear chun cinn trí ghníomhaíocht sheachtrach an Aontais. Déantar anailís inti ar an dul chun cinn atá déanta agus tugtar aghaidh inti ar bhearnaí sa chur chun feidhme agus ar dhúshláin atá ag teacht chun cinn maidir le rioscaí méadaitheacha amach anseo.