Nuálaíocht Chlaochlaitheach maidir le hOiriúnú don Athrú Aeráide — Creat mapála-bhunaithe do chríocha

Féachtar sa tuarascáil seo ar phríomhghnéithe na straitéisí críochacha maidir le hOiriúnú don Athrú Aeráide (CCA), de réir mar atá siad á bhforbairt ar fud an Aontais, agus scrúdaítear inti an bhféadfadh glacadh cur chuige um Nuálaíocht Chlaochlaitheach (TI) breisluach a chur leis na straitéisí sin agus lena gcur chun feidhme agus conas a d’fhéadfaí sin a dhéanamh. Tá an anailís bunaithe ar athbhreithniú litríochta a chlúdaíonn an dá réimse. Ag tosú ó réasúnaíocht chun straitéisí TI agus CCA a nascadh, aithnítear seacht bpríomhghné TI a ndéantar iniúchadh breise orthu sa tuarascáil seo, chun léargas a fháil ar an rannchuidiú tairbhiúil a d’fhéadfadh TI a dhéanamh le straitéisí CCA a dhearadh agus a chur i bhfeidhm. I gcás gach gné, sainaithnítear rannchuidiú féideartha le hoiriúnú don athrú aeráide. Chomh maith leis sin, leagtar amach bacainní ar TI a chomhtháthú i straitéisí CCA, maidir le ceapadh straitéise agus cur chun feidhme straitéise araon. Tá gealltanas ag baint le cur chuige TI a chur isteach i ndearadh agus i gcur chun feidhme straitéisí CCA chun a n-éifeachtacht a ardú, agus iarrann sé níos mó turgnamh. Mar bhealach chun tús a chur le turgnamh den sórt sin, cuireadh an creat a forbraíodh sa tuarascáil seo i bhfeidhm maidir le 16 chríoch, a chumhdaítear in 14 thuarascáil cás-staidéir ar leithligh a liostaítear in iarscríbhinn 2, agus léargais fhóinteacha á dtabhairt in aghaidh na críche a mhéid a bhaineann le dlús a chur leis an oiriúnú don athrú aeráide trí nuálaíocht chlaochlaitheach. Díríonn sé ar údaráis phoiblí i gcríocha an Aontais (agus níos faide i gcéin) ar leibhéil rialachais éagsúla (ón leibhéal náisiúnta go dtí an leibhéal áitiúil), chomh maith le páirtithe leasmhara críochacha eile a bhfuil baint acu le beartais um oiriúnú don athrú aeráide agus le beartais nuálaíochta chlaochlaitheacha nó a ndéanann na beartais sin difear dóibh.