Tuarascáil na Náisiún Aontaithe maidir le Forbairt Uisce Domhanda

Tá an fhianaise eolaíoch soiléir: tá an aeráid ag athrú agus leanfaidh sí de bheith ag athrú, rud a dhéanann difear do shochaithe go príomha trí uisce.

Beidh tionchar ag an athrú aeráide ar infhaighteacht, ar cháilíocht agus ar chainníocht an uisce do bhunriachtanais an duine, rud a chuirfidh teachtadh éifeachtach chearta an duine ar uisce agus ar shláintíocht i mbaol do na billiúin duine a d’fhéadfadh a bheith ann. I dTuarascáil 2020 na Náisiún Aontaithe maidir le Forbairt Uisce Domhanda, dírítear ar na dúshláin agus ar na deiseanna araon a chruthaítear leis an athrú aeráide agus soláthraítear freagairtí féideartha maidir le hoiriúnú, maolú agus athléimneacht fheabhsaithe ar féidir tabhairt fúthu chun bainistiú acmhainní uisce a fheabhsú lena maolaítear rioscaí a bhaineann le huisce agus chun rochtain ar sholáthar uisce agus ar sheirbhísí sláintíochta a fheabhsú. 

Beidh rioscaí ag baint leis an athrú ar thimthriall an uisce freisin maidir le táirgeadh fuinnimh, slándáil bia, sláinte an duine, forbairt eacnamaíoch agus laghdú bochtaineachta, rud a chuirfidh baint amach na Spriocanna Forbartha Inbhuanaithe i mbaol mór. Is togra é an t-oiriúnú don athrú aeráide agus an maolú ar an athrú aeráide a chomhcheangal, trí uisce, a rachaidh chun tairbhe do chách, lena bhfeabhsaítear soláthar uisce agus seirbhísí sláintíochta agus lena ndéantar cúiseanna agus tionchair an athraithe aeráide a chomhrac, lena n-áirítear laghdú rioscaí tubaiste.