CBT a úsáid chun cleachtais inbhuanaithe maidir le bainistiú talmhaíochta agus foraoiseachta a uas-scálú

Beidh an Comhbheartas Talmhaíochta (CBT) nua á threorú ag an gComhaontú Glas don Eoraip (EGD), gealltanas uile-Aontais chun an tAontas a dhéanamh aeráidneodrach, fás a dhíchúpláil ó úsáid acmhainní agus an bhithéagsúlacht a athbhunú agus truailliú a laghdú. Cé gur astaírí suntasacha astaíochtaí gás ceaptha teasa (GCT) iad earnálacha na talmhaíochta, na foraoiseachta agus na húsáide talún agus go bhfuil siad freagrach as díghrádú éiceachórais tuaithe agus as leibhéil neamh-inbhuanaithe úsáide acmhainní nádúrtha, is féidir cuir chuige éifeachtacha i leith na n-earnálacha sin a bheith mar chuid den réiteach. Féachtar sa bhileog eolais seo ar na deiseanna a chuirtear i láthair le dearadh agus cur chun feidhme na n-idirghabhálacha ábhartha, a leagtar amach sna Pleananna Straitéiseacha CBT (CSPanna) atá ar na bacáin, chun cleachtais bainistíochta inbhuanaithe a uas-scálú agus chun rannchuidiú le spriocanna an Chomhaontaithe Ghlais don Eoraip. Cuirtear smaointe agus samplaí a eascraíonn as Grúpa Téamach (TG) ENRD ar an gComhaontú Glas don Eoraip agus ar Cheantair Thuaithe i láthair mar fhoinse inspioráide d’Údaráis Bhainistíochta agus do pháirtithe leasmhara.

A áirithiú go sainaithneofar príomh-shaincheisteanna comhshaoil agus aeráide agus go dtacóidh cuspóirí gaolmhara agus idirghabhálacha CBT le glacadh spriocdhírithe cleachtas níos inbhuanaithe ar leibhéil iomchuí.

• Idirghabhálacha CBT a úsáid ar bhealach comhordaithe comhtháite
  • i.e. teaglamaí agus pacáistí d’idirghabhálacha Cholún 1 agus Cholún 2
  • na tosaíochtaí sainaitheanta comhshaoil agus aeráide a bhaint amach agus rannchuidiú le spriocanna an Chomhaontaithe Ghlais don Eoraip.
• Cuir chuige éagsúla a mheas chun glacadh scéimeanna cothrománacha agus criosanna, gealltanais aonair nó chomhoibritheacha agus/nó meascán den dá rud a spreagadh, mar shampla.
• Leas iomlán a bhaint as seirbhísí comhairleacha agus leathnaithe feirme chun eolas bainisteoirí talún a fhorbairt maidir le cleachtais inbhuanaithe, lena n-áirítear leas a bhaint as ‘campaí’ feirmeoirí chun dlús a chur leis an nglacadh agus leis an gceannach isteach.