Tuarascáil maidir le Forbairt Uisce an Domhain

Is í Tuarascáil na Náisiún Aontaithe maidir le Forbairt Uisce Domhanda (WWDR), tuarascáil shuaitheanta na Náisiún Aontaithe maidir le huisce. Is athbhreithniú cuimsitheach é a thugann léargas foriomlán ar staid, úsáid agus bainistiú acmhainní fionnuisce an domhain agus a bhfuil sé d’aidhm aige uirlisí a chur ar fáil do chinnteoirí chun beartais uisce inbhuanaithe a cheapadh agus a chur chun feidhme. 

Trí shraith measúnuithe, soláthraítear sa Tuarascáil sásra chun faireachán a dhéanamh ar athruithe ar an acmhainn agus ar a bainistiú agus chun an dul chun cinn i dtreo spriocanna a bhaint amach a rianú, go háirithe spriocanna Chlár Oibre 2030 don Fhorbairt Inbhuanaithe. Cuireann an Tuarascáil dea-chleachtais ar fáil chomh maith le hanailísí teoiriciúla doimhne chun cuidiú le smaointe agus gníomhaíochtaí a spreagadh chun maoirseacht níos fearr a dhéanamh san earnáil uisce, áita leanfaidh na leibhéil arda struis atá ann faoi láthair de bheith ag méadúde réir mar a fhásann an t-éileamh ar uisce agus de réir mar a ghéaraíonn éifeachtaí an athraithe aeráide.