Leochaileacht Éisc agus Speiceas Inveirteabrach in Aeráid atá ag Athrú a Mheasúnú

Cuireannan mhodheolaíocht faisnéis ar fáil do bhainisteoirí iascaigh, d’eolaithe agus do dhaoine eile is féidir leo a úsáid agus iad ag smaoineamh ar an bhfaisnéis eolaíoch bhreise atá ag teastáil agus conas straitéisí bainistíochta a oiriúnú do na speicis éisc sin. Áirítear leis sin faisnéis faoi na speicis sa réigiún is leochailí nó is inoiriúnaithe do thionchair an athraithe aeráide ar an gcomhshaol.

Tá an Measúnú ar Leochaileacht Aeráide Speiceas Éisc deartha go sonrach chun cabhrú leis an méid seo a leanas:

1. Na speicis nó na stoic is leochailí ó thaobh dálaí athraitheacha aeráide agus aigéin de a shainaithint;
2. An fhaisnéis bhreise is gá a shainaithint chun na rioscaí sin a thuiscint agus chun aghaidh a thabhairt orthu;
3. Bonn a chur ar fáil chun breithniú a dhéanamh ar na gníomhaíochtaí a d’fhéadfaí a dhéanamh chun leochaileacht speiceas éisc a laghdú;
4. Na háiteanna a shainaithint ina bhfuil gá le tuilleadh faisnéise chun leochaileacht speiceas éisc a thuiscint, a rianú agus chun freagairt di.  Is féidir an fhaisnéis sin a úsáid ansin chun cuidiú le tosaíocht a thabhairt d’iarrachtaí taighde, faireacháin agus samhaltaithe.

Tá na torthaí beartaithe chun cuidiú le heolaíocht bhreise a threorú chun tuiscint níos fearr a fháil ar na tionchair aeráide a d’fhéadfadh a bheith ar speicis éisc nó ar stoic éisc agus chun cabhrú le cinnteoirí iascaigh machnamh a dhéanamh ar conas ullmhú d’athruithe a bhaineann leis an aeráid agus freagairt dóibh.