Foghlaim ar an gcósta

Is pacáiste gairmoiliúna fadbhunaithe ar an idirlíon é CoastLearn maidir le Bainistiú Comhtháite Criosanna Cósta (ICZM). Díríonn an uirlis féinfhoghlama seo go príomha ar bhainisteoirí agus pleanálaithe cósta atá ag obair ar an leibhéal áitiúil, fonáisiúnta agus náisiúnta. Is mic léinn ollscoile agus eagraíochtaí neamhrialtasacha iad na spriocghrúpaí tánaisteacha. Cé go bhfuil CoastLearn curtha in oiriúint do riachtanais oiliúna agus theicniúla na dtíortha atá i mbun aistrithe, tá sé cruthaithe go bhfuil luach ag baint leis do thíortha nach spriocthíortha iad freisin. Tá an clár ar fáil ar líne saor in aisce. Tá CoastLearn roinnte ina mhodúil théamacha ar féidir staidéar neamhspleách a dhéanamh orthu. Maidir leis na húsáideoirí sin ar mian leo tuilleadh eolais a fháil, tá liosta de naisc agus tagairtí gaolmhara i ngach modúl le haghaidh tuilleadh staidéir dhomhain.