Foireann Uirlisí Pleanála Gníomhaíochta um Oiriúnú GRaBS uast0-2

Is uirlis gréasánbhunaithe um measúnú leochaileachta í an tSraith Straitéisí um Pleanáil Gníomhaíochta maidir le hOiriúnú a d’fhorbair an tionscadal um Oiriúnú don Spás Glas agus Gorm do Cheantair Uirbeacha agus d’Éiceabhailte (GRaBS).

Is líonra é an tionscadal de phríomheagraíochtaí uile-Eorpacha a bhfuil baint acu le hoiriúnú don athrú aeráide a chomhtháthú i bpleanáil agus i bhforbairt réigiúnach.

Áirítear ar an tairseach gréasáin:

• Uirlis Mheasúnaithe - uirlis measúnaithe riosca agus leochaileachta atá nuálach, éifeachtach ó thaobh costais de agus éasca le húsáid, chun cabhrú le pleanáil straitéiseach freagairtí maidir le hoiriúnú don athrú aeráide, agus béim ar leith á leagan ar thuilte agus ar strus teasa. Leis an Uirlis, déantar measúnú ar leochaileacht limistéar uirbeach i leith thionchair an athraithe aeráide, agus déantar measúnú breise ar phatrúin choibhneasta riosca spásúil i gcás ina bhfuil sonraí oiriúnacha ar fáil. Leis an Uirlis is féidir guaiseacha leochaileachta, nochta agus aeráide a léirshamhlú laistigh de shuíomh ar leith.
• Cás-staidéir – bunachar sonraí de chás-staidéir ina léirítear cuir chuige maidir le hoiriúnú don athrú aeráide, agus béim ar leith á leagan orthu siúd a bhaineann le bonneagar glas (lena n-áirítear gairdíní, páirceanna, tírdhreacha táirgiúla, conairí glasa, díonta agus ballaí glasa) agus gorm (amhail dobharlaigh, aibhneacha, sruthanna, tuilemhánna agus córais draenála inbhuanaithe). Seachas díriú ar ghnéithe fisiciúla na gcás-staidéar, déantar cur síos mionsonraithe sa bhunachar sonraí ar an bpróiseas a thacaigh le freagairtí oiriúnúcháin a chur chun feidhme i raon ceantar uirbeach ar fud an domhain.

Tá an tionscadal cómhaoinithe ag Ciste Forbraíochta Réigiúnaí an Aontais Eorpaigh (CFRE) agus indéanta ag Clár INTERREG IVC.