Mar chuid den Chomhaontú Glas don Eoraip, tá straitéis nua de chuid an Aontais maidir le hoiriúnú don athrú aeráide á hullmhú ag an gCoimisiún Eorpach faoi láthair, straitéis a oibreoidh chun na príomhrioscaí, lena n-áirítear na rioscaí don tsláinte, a shainaithint agus a íoslaghdú. Seoladh comhairliúchán poiblí ar an straitéis seo le déanaí. Sa seimineár gréasáin idirghníomhach seo, atá á óstáil ag Ardán Bheartas Sláinte an Aontais Eorpaigh, cuirfear obair an Aontais sa réimse sin i láthair. Beidh príomhshaineolaithe ó stiúrthóireachtaí sláinte poiblí agus aeráide an Choimisiúin Eorpaigh, ón nGníomhaireacht Eorpach Chomhshaoil, ón Lárionad Eorpach um Ghalair a Chosc agus a Rialú agus ó Airmheán Comhpháirteach Taighde an Choimisiúin rannpháirteach.