Líonra

Is ábhar casta é an t-oiriúnú don athrú aeráide a éilíonn obair idirdhisciplíneach agus a bhfuil go leor páirtithe leasmhara páirteach ann. Chun dul i ngleic leis na rioscaí atá ann cheana agus a bheidh ann amach anseo maidir leis an athrú aeráide agus chun leas a bhaint as deiseanna, tá gá le hidirghabhálacha ar go leor leibhéal rialachais agus ag an earnáil phríobháideach, trí raon eagraíochtaí agus líonraí. Tugtar forléargas sna ranna seo ar na príomheagraíochtaí, líonraí agus ardáin comhroinnte eolais ábhartha.

An leibhéal domhanda

Ar an leibhéal idirnáisiúnta, aithníonn UNFCCC gur dara gné den bheartas aeráide é an t-oiriúnú a chomhlánaíonn an maolú. Tá rochtain anseo ar raon leathan eagraíochtaí idirnáisiúnta agus ar chláir agus líonraí comhair atá gníomhach ar an leibhéal domhanda. Tá tuilleadh nasc chuig ardáin comhroinnte eolais atá á mbainistiú ag gníomhaithe éagsúla ar an leibhéal domhanda ar fáil anseo.

Leibhéal an Aontais

Ar leibhéal an Aontais, tá straitéis oiriúnaithe de chuid an Aontais ag an gCoimisiún Eorpach chun tacú le gníomhaíocht trí chomhordú agus comhroinnt faisnéise níos fearr a chur chun cinn idir na Ballstáit, agus trína áirithiú go dtugtar aghaidh ar bhreithnithe oiriúnaithe i mbeartais ábhartha uile an Aontais. Oibríonn an Ard-Stiúrthóireacht um Ghníomhú ar son na hAeráide (AS CLIMA) de chuid an Choimisiúin Eorpaigh leis na Ballstáit tríd an Meitheal um Oiriúnú den Choiste um an Athrú Aeráide maidir le cur chun feidhme na straitéise agus tionscnaimh bhreise sa réimse sin. Cuireann an Ghníomhaireacht Eorpach Chomhshaoil (EEA) le tacaíocht ón Lárionad Téamach Eorpach maidir leis an Athrú Aeráide, leochaileacht agus Oiriúnú (ETC/CCA) eolas agus measúnuithe ar fáil le haghaidh oiriúnú san Eoraip. Tá rochtain anseo ar raon leathan eagraíochtaí a fheidhmíonn ar an leibhéal Eorpach (AE agus neamh-AE araon).

Leibhéal trasnáisiúnta

Tá eagraíochtaí ar an leibhéal trasnáisiúnta ag éirí níos gníomhaí maidir le hoiriúnú don athrú aeráide, e.g. faoi chuimsiú na gCoinbhinsiún Alpach agus Sléibhte Cairp nó laistigh de líonraí de Bhallstáit an Aontais (e.g. do Réigiún Mhuir Bhailt). Is féidir teacht ar chomhlachtaí agus líonraí idir-rialtasacha a thugann aghaidh ar dhúshláin an athraithe aeráide ar an leibhéal trasteorann sin anseo.

Rialachas agus líonraí ar an leibhéal náisiúnta, réigiúnach agus áitiúil

Ar an leibhéal náisiúnta, tá rialtais náisiúnta ag tabhairt aghaidh ar rioscaí agus deiseanna a bhaineann leis an athrú aeráide, e.g. trí Straitéisí Náisiúnta um Oiriúnú (NAS), Pleananna Gníomhaíochta Náisiúnta (NAP) agus sraith gníomhaíochtaí beartais eile a fhorbairt. Is féidir faisnéis faoi eagraíochtaí a fheidhmíonn ar an leibhéal náisiúnta, réigiúnach agus áitiúil a fháil de réir tíre ar leathanaigh oiriúnaithe náisiúnta (tíre) Climate-ADAPT. Bainistíonn EEA Eionet, lena n-áirítear lárionaid tagartha náisiúnta maidir le tionchair an athraithe aeráide, leochaileacht agus oiriúnú don athrú sin.