Sainmhíníodh samhradh na hEorpa le tonnta teasa foircneacha agus dálaí tirime, agus bhí 52 % den mhór-roinn neamhchosanta ar strus teasa ‘an-láidir’ faoi dheireadh an tséasúir. Chonacthas teochtaí aeir dromchla níos airde ná riamh ar fud cuid mhór den Eoraip, agus go háirithe in iarthar na hEorpa, agus breathnaíodh teochtaí dromchla farraige níos airde ná riamh agus gar do thaifead ar fud fharraigí na hEorpa. Bhí na sreafaí samhraidh ab ísle ar fud na hEorpa le breis agus tríocha bliain anuas freisin. Is iad sin na torthaí is déanaí ó Sheirbhís Copernicus um an Athrú Aeráide (C3S), arna cur chun feidhme ag an Lárionad Eorpach um Réamhaisnéisí Aimsire Meánraoin (ECMWF), agus ó Sheirbhís Bainistithe Éigeandála Copernicus (CEMS).