D’fhoilsigh an Coimisiún Glao ar Fhianaise maidir le hathléimneacht in aghaidh an athraithe aeráide. Ar feadh 6 seachtaine, go dtí an 4 Meán Fómhair, tá an glao seo ar fhianaise dírithe ar ionchur a fháil ó pháirtithe leasmhara agus ó shaoránaigh, rud a chuirfidh le hullmhúcháin an Choimisiúin do chreat comhtháite Eorpach nua maidir le hathléimneacht in aghaidh an athraithe aeráide agus bainistiú riosca, atá le foilsiú faoi dheireadh 2026.

Leis an bpacáiste beartais nua, molfar cur chuige dlíthiúil cuimsitheach, mar aon le plean, chun cur chuige uaillmhianach, cuimsitheach agus comhleanúnach a bhunú maidir le hathléimneacht agus oiriúnú aeráide, lena gcumhdófar na Ballstáit agus leibhéal an Aontais.

Trí rannchuidiú leis an nGlao seo ar Fhianaise, tá an deis ag freagróirí a dtuairimí a roinnt agus todhchaí an bheartais Eorpaigh maidir le hathléimneacht in aghaidh an athraithe aeráide agus bainistiú riosca a mhúnlú, agus cuidiú le hEoraip aeráid-díonach a thógáil lena gcosnófar beatha, lena ndaingneofar rathúnas agus lena gcuirfear borradh faoin iomaíochas.