Sa seisiún faisnéise nua ón nGníomhaireacht Eorpach Chomhshaoil dar teideal ‘Preparing society for climate risks in Europe’ [An tsochaí a ullmhú do rioscaí aeráide san Eoraip], cuirtear i láthair ceachtanna ó chás-staidéir Climate-ADAPT agus na Faireachlainne, ar tacar éagsúil samplaí é de bhearta oiriúnaithe a chuirtear i bhfeidhm ar fud na hEorpa. Léirítear san fhaisnéisiú conas a spreagann agus a chuidíonn na cás-staidéir le sochaithe ullmhú níos fearr don athrú aeráide, agus béim á leagan ag an am céanna ar an ngá atá le bearta agus gníomhaíochtaí oiriúnaithe a mhéadú ar fud na n-earnálacha beartais agus na leibhéal rialachais uile chun aghaidh a thabhairt ar rioscaí aeráide atá ag dul in olcas.