Is-Suq Ewropew għas-Servizzi tal-Klima (EU-MACS)

L-għan ġenerali tal-EU-MACS (EUropean MArket for Climate Services) huwa li r-rikkezza tal-informazzjoni dwar il-klima ssir verament aċċessibbli u applikabbli għal varjetà kbira ta’ utenti potenzjali tas-servizz dwar il-klima (CS). F’kooperazzjoni mal-utenti attwali u potenzjali tas-CS, il-proġett EU-MACS se jiżviluppa mekkaniżmi li għandhom jassistu kemm lill-fornituri tas-CS kif ukoll lill-utenti biex iqabblu aħjar il-prodotti, il-kapaċitajiet u l-ħtiġijiet tagħhom, filwaqt li fl-istess ħin jiffaċilitaw ukoll il-proċessi għat-tiftix, l-għażla, it-tfassil apposta, u (orjentati lejn id-deċiżjonijiet) l-użu ta’ prodotti ta’ servizzi klimatiċi. Dan jeħtieġ li jsir mingħajr ma tiġi kompromessa l-validità tal-informazzjoni filwaqt li tiġi żgurata kontinwazzjoni ta’ titjib ivvalidat xjentifikament tal-osservazzjoni, l-immudellar, l-ipproċessar u r-riproċessar tad-data involuti, l-istruttura u l-aċċess tal-bażi tad-data, il-metainformazzjoni tad-data, il-gwida għall-interpretazzjoni tad-data, kif ukoll it-teknoloġiji għat-twassil tas-servizzi. Għal xi segmenti tal-utenti u għal diversi għażliet ta’ innovazzjoni tas-servizzi klimatiċi tqabbil aħjar tal-provvista u d-domanda u metainformazzjoni organizzata aħjar mhumiex biżżejjed, iżda l-livelli ta’ sensibilizzazzjoni u l-istrutturi ta’ inċentivi u r-regolamentazzjoni relatata jeħtieġ li jiġu kkunsidrati wkoll. Il-proġett jindirizza wkoll dawn il-kuntesti tat-teħid tad-deċiżjonijiet tas-servizzi klimatiċi fil-livell tal-utenti u tas-setturi.

L-UE-MACS se tikkollabora mal-proġett assoċjat  tagħha MARCO (Market Research for a Climate services Observatory) fl-oqsmata’ azzjoni simili iżda mhux identiċi li ġejjin:

• L-immudellar tan-negozju u d-dinamika tal-innovazzjoni
• Inventarji tas-suq u l-involviment tal-partijiet ikkonċernati
• Uħud mill-istudji tal-każijiet.