Minkejja progress kostanti f’oqsma ewlenin, l-Unjoni Ewropea tinsab biss parzjalment fit-triq it-tajba biex tilħaq l-objettivi klimatiċi, ambjentali u ta’ sostenibbiltà tal-UE għall-2030 skont it-8 Programm ta’ Azzjoni Ambjentali, skont l-aħħar rapport ta’ monitoraġġ ippubblikat mill-Aġenzija Ewropea għall-Ambjent (EEA). Huma meħtieġa miżuri aktar deċiżivi biex tingħata spinta lill-ekonomija ċirkolari, titreġġa’ lura x-xejra ta’ tnaqqis fil-bijodiversità u titnaqqas l-impronta tal-konsum tal-UE.