Id-Diretturi tal-Ilma tal-Istati Membri u l-Kummissjoni Ewropea adottaw dokument ta’ gwida biex jallinjaw l-ippjanar tal-ġestjoni tal-baċiri tax-xmajjar mal-adattament għall-klima, b’attenzjoni speċjali għad-Direttiva Qafas dwar l-Ilma u d-Direttiva dwar l-Għargħar. Din il-gwida għandha l-għan li tgħin lill-maniġers tal-ilma jintegraw l-adattament għall-impatti inevitabbli tat-tibdil fil-klima, bħaż-żieda fl-intensità u fil-frekwenza ta’ xita intensiva, nixfiet fit-tul, u mewġiet ta’ sħana kif ukoll bidliet li jevolvu bil-mod bħat-tisħin, it-tixrid ta’ speċijiet invażivi u ż-żieda fil-livell tal-baħar, b’attenzjoni speċjali għal soluzzjonijiet ibbażati fuq in-natura, aspetti transfruntiera/transkonfinali, kif ukoll il-kontroll tal-klima tal-miżuri.