Il-Membri tal-Parlament Ewropew jgħidu li l-Unjoni Ewropea jeħtiġilha ssaħħaħ b'mod urġenti l-azzjoni klimatika tagħha

Il-Parlament Ewropew adotta sett ta' rakkomandazzjonijiet wara sajf fl-2022 ta' nixfiet devastanti, nirien fil-foresti u fenomeni meteoroloġiċi estremi oħra madwar l-Ewropa. Il-Membri tal-Parlament Ewropew (MEPs) adottaw riżoluzzjoni dwar iż-żieda fl-isforzi tal-Unjoni Ewropea (UE) biex tindirizza l-mitigazzjoni tat-tibdil fil-klima u l-adattament għalih. Il-Membri tal-PE jridu li l-Kummissjoni tipproponi qafas Ewropew komprensiv, ambizzjuż u legalment vinkolanti għall-adattament għat-tibdil fil-klima, b'enfasi partikolari fuq ir-reġjuni l-aktar vulnerabbli tal-UE. L-UE għandha wkoll tkompli taqdi rwol attiv fid-definizzjoni ta' għan globali għall-adattament u fl-iżgurar li l-komunità internazzjonali tilħaq l-għan tagħha għall-finanzjament internazzjonali għall-klima.

Aqra aktar fuq is-sit web tal-Parlament Ewropew.

Testi adottati mill-Parlament Ewropew hawnhekk.