Il-biċċa l-kbira tal-foresti huma inqas kapaċi jlaħħqu mal-perikli taħt it-tibdil fil-klima

It-tibdil fil-klima qed idgħajjef il-foresti madwar id-dinja. Iż-żieda fil-varjabbiltà klimatika u n-nuqqas ta’ ilma wasslu biex il-foresti f’reġjuni aktar sħan ikunu inqas kapaċi jirkupraw minn tfixkil naturali u antropoġeniku. L-istudju, immexxi miċ-Ċentru Konġunt tar-Riċerka tal-Kummissjoni Ewropea, jipprovdi evidenza ġdida tal-effetti tat-tibdil fil-klima fuq il-foresti fl-Ewropa u madwar id-dinja. Huwa jenfasizza l-ħtieġa li jiġi adottat “ħsieb ta’ reżiljenza” – il-ġestjoni tal-ambjent għar-reżiljenza – jekk irridu nsolvu l-isfidi tal-ġestjoni tal-foresti fi żminijiet ta’ tibdil rapidu fil-klima.

Aqra aktar fuq is-sit web tal-Kummissjoni Ewropea