Skont id-data tas-Servizz dwar it-Tibdil fil-Klima ta’ Copernicus (C3S), id-Dinja għadha kif esperjenzat l-aktar jum sħun tagħha minn meta bdew ir-rekords. Fit-22 ta’ Lulju 2024, it-temperatura globali medja ta’ kuljum laħqet rekord għoli ġdid ta’ 17.16 °C. Dan jaqbeż ir-rekord preċedenti ta’ 17.09 °C stabbilit jum wieħed biss qabel il-21 ta’ Lulju 2024 u 17.08 °C stabbilit sena qabel fis-6 ta’ Lulju 2023. Hekk kif il-pjaneta tkompli tisħon, huwa antiċipat li r-rekords se jkomplu jinkisru, u dan jenfasizza l-ħtieġa għal adattament għall-impatti tat-tibdil fil-klima.