L-Osservatorju Ewropew tan-Nixfa jissorvelja kontinwament l-iżvilupp u l-impatt tan-nixfiet fl-Ewropa u madwar id-dinja. Temperaturi u mewġiet ta’ sħana ogħla mill-medja flimkien ma’ ammont baxx ta’ xita qed ikollhom impatt fuq l-umdità tal-ħamrija u t-tkabbir tal-veġetazzjoni. It-tbassir staġjonali jissuġġerixxi li dan se jkompli, b’kundizzjonijiet aktar sħan u kemxejn aktar xotti dan is-sajf, b’mod partikolari fin-Nofsinhar tal-Ewropa. In-nixfiet li għaddejjin bħalissa jwasslu għal skarsezzi kritiċi tal-ilma u jheddu l-għelejjel.