Il-Ġimgħa Ekoloġika tal-UE: lejn Ewropa reżiljenti għall-ilma

Din l-edizzjoni tal-konferenza annwali tal-Ġimgħa Ekoloġika tal-UE se tiddiskuti dak li huwa meħtieġ biex l-UE ssir aktar reżiljenti għall-ilma, kemm għal-lum kif ukoll għal għada. F’dawn l-aħħar snin, iċ-ċittadini f’partijiet differenti tal-kontinent iffaċċjaw żieda f’daqqa fid-diżastri naturali, bħan-nixfiet u l-għargħar, b’implikazzjonijiet għas-saħħa u l-benesseri. L-objettiv huwa li tiġi stimulata konverżazzjoni madwar l-UE dwar l-ilma, il-preżent u l-futur tal-UE, b’enfasi fuq it-trawwim tas-sensibilizzazzjoni u l-promozzjoni ta’ soluzzjonijiet pożittivi u kollaborattivi.

Il-konferenza se tkun akkumpanjata minn avvenimenti sħab, organizzati fl-Ewropa u lil hinn minnha, li jibdew mid-29 ta’ Mejju sal-1 ta’ Settembru 2024, taħt l-intestatura kondiviża tar-reżiljenza tal-ilma.