Ir-rapport Ewropew dwar l-Istat tal-Klima 2023 iwissi dwar ir-riskji għas-saħħa

Ir-rapport dwar l-Istat Ewropew tal-Klima 2023, ippubblikat b’mod konġunt mis-Servizz dwar it-Tibdil fil-Klima ta’ Copernicus (C3S)u l-Organizzazzjoni Meteoroloġika Dinjija (WMO),jenfasizza t-temperaturi għoljin rekord, il-mewġiet ta’ sħana, in-nirien fil-foresti u l-għargħar serju li l-Ewropa esperjenzat fl-2023. Ir-rapport jiffoka wkoll fuq l-impatti negattivi fuq is-saħħa kkawżati mill-istress mis-sħana u l-bidliet klimatiċi, inkluża ż-żieda ta’ 30 % fil-mortalità relatata mas-sħana f’dawn l-aħħar 20 sena, u jappella għal politiki u azzjoni Ewropej biex tiġi protetta s-saħħa.