Il-briefing il-ġdid tal-EEA "Preparing society for climate risks in Europe" (Tħejjija tas-soċjetà għar-riskji klimatiċi fl-Ewropa) jippreżenta tagħlimiet minn Climate-ADAPT u studji ta' każijiet tal-Osservatorju, li huwa sett varjat ta' eżempji ta' miżuri ta' adattament implimentati madwar l-Ewropa. Il-briefing juri kif l-istudji tal-każijiet jispiraw u jgħinu lis-soċjetajiet iħejju aħjar għat-tibdil fil-klima, filwaqt li jenfasizza wkoll il-ħtieġa li jiżdiedu l-miżuri u l-azzjonijiet ta’ adattament fis-setturi ta’ politika u fil-livelli ta’ governanza kollha biex jiġu indirizzati r-riskji klimatiċi li qed jeskalaw.