Forest Europe — Ministerkonferansen om vern av skog i Europa

Forest EUROPE (Ministerial Conference on the Protection of Forests in Europe) er den felleseuropeiske politiske prosessen for berekraftig forvaltning av kontinentets skogar. Forest EUROPE utviklar felles strategiar for sine 46 medlemsland og EU om korleis ein skal beskytte og forvalte skog på ein berekraftig måte. Grunnlagt i 1990, har det kontinuerlege samarbeidet med FOREST EUROPE ført til prestasjonar som retningslinjer og kriterium for berekraftig skogforvalting. Samarbeidet mellom ministrane med ansvar for skogane i Europa har vore av stor økonomisk, miljømessig og sosial betydning på nasjonalt og internasjonalt nivå. Prioriterte tema i FOREST EUROPE er å styrke skogens rolle i å dempe klimaendringane, sikre tilgangen på ferskvatn av god kvalitet, styrke og bevare skogens biologiske mangfald og levere skogprodukter. Andre viktige oppgåver er å utvikle eit rammeverk for framtidig skogsamarbeid og utforske moglegheitene for ein juridisk bindande avtale om skog i Europa. Flere land utanfor Europa og internasjonale, ikkje-statlege og private organisasjonar deltek som observatørar. Forest EUROPE er knytt til globale og andre regionale prosessar og initiativer som omhandlar spørsmål av høgaste politisk og sosial relevans knytte til skog. Spania har for tida formannskapet i Forest Europe.