esi-chistí

Tá ról tábhachtach ag buiséad an Aontais maidir le gníomhú ar son na haeráide a chur chun cinn i ngach earnáil de gheilleagar na hEorpa, agus maidir leis an infheistíocht a bheidh ag teastáil chun na spriocanna aeráide a bhaint amach agus athléimneacht in aghaidh an athraithe aeráide a áirithiú a spreagadh. Is ionann cuspóirí maidir le gníomhú ar son na haeráide agus 20 % ar a laghad de chaiteachas an Aontais sa tréimhse 2014-2020 agus, dá bhrí sin, léireofar iad sna hionstraimí iomchuí lena gcuirfear le hiomaíochas na hEorpa agus lena gcruthófar níos mó post agus poist níos glaise.

Cuimsíonn cúig Chiste Struchtúracha agus Infheistíochta na hEorpa (Cistí SIE), arb ionann iad agus aon trian de bhuiséad an Aontais, an méid seo a leanas:

• Ciste Comhtháthaithe,
• Ciste Sóisialta na hEorpa
• Ciste Forbraíochta Réigiúnaí na hEorpa
• An Ciste Eorpach Talmhaíochta um Fhorbairt Tuaithe
• An Ciste Eorpach Muirí agus Iascaigh

Maidir le gníomhú ar son na haeráide, rannchuideoidh CSIE leis na nithe seo a leanas:

• A áirithiú go gcomhlíonfaidh na Ballstáit agus an tAontas a ngealltanais mhaolúcháin agus go rannchuideoidh siad le maolú domhanda ar an athrú aeráide.
• Athléimneacht na hEorpa in aghaidh an athraithe aeráide a chinntiú.
• Leas a bhaint as na deiseanna gnó a eascraíonn as an méadú atá ag teacht ar an éileamh domhanda ar réitigh chostéifeachtúla éifeachtacha oiriúnaithe agus maolaithe.