Sásra an Aontais um Chosaint Shibhialta

Sásra an Aontais um Chosaint Shibhialta

An 20 Nollaig 2011, mhol an Coimisiún Sásra Aontais um Chosaint Shibhialtaa chur in ionad na gCinntí ón gComhairle maidir leis an Sásra um Chosaint Shibhialta, lena n-éascaítear comhar treisithe idir na Ballstáit agus an tAontas i réimse na cosanta sibhialta agus in Ionstraim Airgeadais na Cosanta Sibhialta, lena gcuirtear cistiú ar fáil do na gníomhaíochtaí faoin Sásra chun cosaint ar thubaistí nádúrtha agus ar thubaistí de dhéantús an duine a áirithiú.

Beidh na gníomhaíochtaí ginearálta seo a leanas incháilithe le haghaidh cúnamh airgeadais:

• staidéir, suirbhéanna, samhaltú agus cruthú cásanna chun comhroinnt eolais, dea-chleachtas agus faisnéise a éascú, agus chun cosc, ullmhacht agus freagairt éifeachtach a fheabhsú;
• oiliúint, cleachtaí, ceardlanna, malartú foirne agus saineolaithe, líonraí a chruthú, tionscadail taispeána agus aistriú teicneolaíochta chun cosc, ullmhacht agus freagairt éifeachtach a fheabhsú;
• gníomhaíochtaí faireacháin, measúnaithe agus meastóireachta;
• gníomhaíochtaí faisnéise poiblí, oideachais agus múscailte feasachta agus gníomhaíochtaí scaipthe gaolmhara, chun éifeachtaí tubaistí ar shaoránaigh an Aontais a íoslaghdú agus chun cabhrú le saoránaigh an Aontais iad féin a chosaint ar bhealach níos éifeachtaí;
• clár a bhunú de na ceachtanna a foghlaimíodh ó idirghabhálacha agus ó chleachtaí i gcomhthéacs na Meicníochta, lena n-áirítear maidir le réimsí atá ábhartha don chosc agus don ullmhacht;
• gníomhaíochtaí agus bearta cumarsáide chun infheictheacht na hoibre Eorpaí um chosaint shibhialta a chur chun cinn i réimsí an choisc, na hullmhachta agus na freagartha.

Sainítear gníomhaíochtaí breise atá incháilithe le haghaidh cúnamh airgeadais maidir le cosc agus ullmhacht, freagairt, agus gníomhaíochtaí a bhaineann le trealamh, acmhainní iompair agus lóistíocht ghaolmhar.