San Eorabharaiméadar bliantúil maidir leis an Athrú Aeráide, rinneadh suirbhé ar 26,319 saoránach den Aontas ó ghrúpaí sóisialta agus déimeagrafacha éagsúla ar fud 27 mBallstát uile an Aontais in 2025. Tá tromlach mór de mhuintir na hEorpa fós den tuairim gur bagairt thromchúiseach dhomhanda é an t-athrú aeráide, agus measann 85% de shaoránaigh gur fadhb mhór é. De réir mar a théann na hullmhúcháin chun cinn chun an Dlí Aeráide Eorpach a leasú chun sprioc uaillmhianach 2040 a chur san áireamh, agus chun Plean nua an Aontais um Oiriúnú don Athrú Aeráide a chur i láthair an bhliain seo chugainn, tá an tAontas fós ar an mbóthar ceart i dtreo na haeráidneodrachta, bunaithe ar an nuálaíocht, ar an rathúnas comhroinnte agus ar an athléimneacht.