Deiseanna cistiúcháin don oiriúnú don athrú aeráide faoin gclár Fís Eorpach

Tá 4 ghlao oscailte ag an Misean maidir le hOiriúnú don Athrú Aeráide chun tacú le smaointe maidir le hoiriúnú don athrú aeráide faoi Chlár Oibre Fís Eorpach 2023-2024.

Maoiníonn Misean an Aontais Eorpaigh maidir le hOiriúnú don Athrú Aeráide tionscadail taighde agus nuálaíochta arb é is aidhm dóibh tuiscint a fháil ar conas limistéir a bhfuil tionchar ag teagmhais adhaimsire orthu a atógáil ar bhealach níos fearr agus tuilemhánna a chruthú, chomh maith le féachaint ar mhodhanna feirmeoireachta atá athléimneach ó thaobh na haeráide de agus ar chineálacha cur chuige árachais fréamhshamhlacha nó cathair ‘atá oiriúnaithe go foirfe’ a dhearadh atá réidh chun tuilte nó tonnta teasa a sheasamh. Tugtar aghaidh ann freisin ar bhonneagar criticiúil nó ar rioscaí sláinte arb é an t-athrú aeráide is cúis leo.

Tá 4 ghlao oscailte ag an Misean faoi Chlár Oibre Fís Eorpach 2023-2024, ag dúnadh an 20 Meán Fómhair 2023:

• HORIZON-MISS-2023-CLIMA-01-01: Réitigh chlaochlaitheacha a thástáil agus a léiriú lena méadaítear athléimneacht aeráide earnáil na talmhaíochta agus/nó na foraoiseachta;
• HORIZON-MISS-2023-CLIMA-01-02: Réitigh chlaochlaitheacha a thástáil agus a léiriú chun bonneagar criticiúil a chosaint ar an athrú aeráide, réitigh dhúlrabhunaithe a phríomhshruthú;
• HORIZON-MISS-2023-CLIMA-01-03: Réitigh chlaochlaitheacha a thástáil agus a léiriú chun athléimneacht a chothú i leith rioscaí sláinte arb iad éifeachtaí an athraithe aeráide is cúis leo;
• Taispeántas comhpháirteach leis an Misean Aigéin ‘Ár nAigéan agus ár nUiscí a Athbhunú’ (europa.eu) agus leis an Misean Ithreach: Cur chuige comhtháite a léiriú ar scála réigiúnach maidir le hacmhainn coinneála uisce tírdhreacha a mhéadú.

Tá glao comhpháirteach le Misean na gCathracha maidir le pleanáil chomhtháite don ghlasú uirbeach agus don athnádúrú don athghiniúint uirbeach, don athléimneacht agus don aeráidneodracht dúnta anois. Fógrófar torthaí na meastóireachta go luath.