Rabta bejn it-tibdil fil-klima u t-tniġġis: implikazzjonijiet fuq is-saħħa

Sors: iż-ŻEE

Messaġġi ewlenin

• It-tibdil fil-klima u t-tniġġis spiss ikollhom sorsi konġunti u jeżerċitaw pressjonijiet ikkombinati u li jsaħħu lil xulxin fuq l-ambjent Ewropew u s-saħħa tal-bniedem.

• L-impatti konġunti l-aktar evidenti tat-tniġġis u tat-tibdil fil-klima fuq is-saħħa tal-bniedem fl-UE huma marbuta mal-esponiment taċ-ċittadini għas-sħana u għat-tniġġis tal-arja. Il-forzi klimatiċi b’ħajja qasira li huma wkoll sustanzi li jniġġsu l-arja, bħall-materja partikolata fina, id-diossidu tan-nitroġenu u l-ożonu, jikkostitwixxu l-akbar riskju għas-saħħa ambjentali fl-Ewropa. Barra minn hekk, l-esponiment tal-ġogi għall-materja partikolata jintensifika l-impatt tas-sħana fuq il-mortalità.

• Fil-futur, it-tibdil fil-klima jista’ jżid l-esponiment għal sustanzi kimiċi dannużi, jew direttament – pereżempju bħala riżultat ta’ żieda fl-għargħar u fil-bijoakkumulazzjoni ta’ sustanzi niġġiesa tossiċi fix-xibka tal-ikel – jew bħala xprunatur ta’ żieda fl-użu tal-agrokimiċi fis-sistema tal-ikel.

• Ħafna soluzzjonijiet ta’ benefiċċju għal kulħadd huma possibbli biex jitnaqqas it-tniġġis filwaqt li fl-istess ħin jiġi adattat (u mmitigat) it-tibdil fil-klima. Dawn jinkludu pereżempju titjib fit-tkessiħ naturali fil-bini u diversi soluzzjonijiet ibbażati fuq in-natura. Min-naħa l-oħra, il-miżuri biex jiġu indirizzati l-impatti tat-tniġġis jew tat-tibdil fil-klima jista’ jkollhom ukoll kompromessi potenzjali.

Ara l-istorja trasversali dwar il-kobenefiċċji tal-indirizzar tat-tibdil fil-klima u t-tniġġis hawnhekk.

L-istorja hija parti mit-taqsima tas-Saħħa tal-valutazzjoni tal-monitoraġġ tat-tniġġis żero tal-EEA.